នៅក្នុងមេរៀននេះ អ្នកនឹងសិក្សាអំពី៖
◊ ការកត់ត្រាព័ត៌មាន និងសេចក្ដីណែនាំដែលសំខាន់ៗពីការនិយាយ។
◊ វិភាគអំពីប្រភពផ្សេងៗនៃព័ត៌មាន និងធ្វើការសម្រេចចិត្តយក។
◊ យល់ដឹងពីគម្លាតនៅក្នុងកថាខណ្ឌ រចនាសម្ព័ន្ធនៃតារាង។
◊ ការធ្វើទ្រង់ទ្រាយតារាង ការផ្លាស់ទី និងចម្លងអត្ថបទ ការកែកំហុស និងការស្វែងរកអត្ថបទ។
កំណត់ត្រាអាចធ្វើឱ្យប្រាកដថា យើងចងចាំព័ត៌មាន និងសេចក្ដីណែនាំបានយ៉ាងត្រឹមត្រូវ ដោយមិនភ្លេចផ្នែកសំខាន់ណាមួយនៃព័ត៌មាន។ គោលបំណងនៃការកត់ត្រា គឺដើម្បីអាចអនុវត្តការងារណាមួយនៅពេលក្រោយ ដោយត្រូវការព័ត៌មានដែលបានទទួល និងបានកត់ត្រា។ អាចនិយាយបានម៉្យាងទៀតថា ការកត់ត្រាអាចជួយយើងកុំឱ្យភ្លេច។
◊ ដឹងពីមូលហេតុ ហេតុអ្វីបានត្រូវកត់ត្រា
◊ ផ្ដោតអារម្មណ៍ទៅលើអ្វីដែលគេកំពុងតែនិយាយហើយព្យាយាមសរសេរឱ្យបានលឿន
◊ ផ្ដោតអារម្មណ៍ទៅលើព័ត៌មានថ្មីដែលយើងមិនធ្លាប់បានដឹងពីមុនមក
◊ កុំសរសេរប្រយោគពេញលេញពេក
◊ សរសេរមិនឱ្យបាត់បង់ព័ត៌មានដើម
◊ ត្រួតពិនិត្យលើកំណត់ត្រាម្ដងទៀត
◊ បើមានសំណួរ សូមសួរសំណួរដែលចាំបាច់ទៅកាន់អ្នកផ្ដល់ព័ត៌មានឱ្យអ្នក។
ជារឿយៗនៅពេលសួររកព័ត៌មាន អ្នកច្រើនតែទទួលបានទិន្នន័យពីប្រភពផ្សេងៗគ្នាជាច្រើន ហើយវាពិបាកក្នុងការបែងចែករវាងព័ត៌មានពិត និងពាក្យចចាមអារ៉ាមឬគំនិតសន្និដ្ឋានផ្សេងៗ។ ពេលខ្លះយើងទទួលបានសេចក្ដីណែនាំឬព័ត៌មានដែលហាក់ដូចជាប្រឆាំងគ្នា ឬស្ទួនគ្នា ដូច្នេះយើងត្រូវប្រើការវិនិច្ឆ័យផ្ទាល់ខ្លួនរបស់យើង ដើម្បីសម្រេចចិត្តថា តើយើងគួរជឿលើព័ត៌មានមួយណា។ ក្នុងករណីទាំងនេះយើងត្រូវតែវិភាគអំពីប្រភពព័ត៌មាន និងធ្វើសេចក្ដីសម្រេចចិត្តក្នុងការជ្រើសរើសព័ត៌មានណាមួយ ដែលអាចទុកចិត្តច្រើនជាងឬមានឥទ្ធិពលច្រើនជាងគេ។
រចនាសម្ព័ន្ធព័ត៌មានដែលសាមញ្ញបំផុត គឺជាការដាក់គំនិតជារួមមួយ ប៉ុន្តែវាមិនទំនងក្នុងការផ្ដល់ព័ត៌មានដោយឡែកពីគ្នានៅពេលដែលព័ត៌មាននោះអាចដាក់ជាក្រុមបានព្រោះជាធម្មតាយើងទទួលបានបណ្ដុះនៃព័ត៌មានរួមគ្នាដូចជានៅផ្ទះរបស់ខ៉្ញុំមាន មាន់ ជ្រូក គោ។ បណ្ដុំនៃព័ត៌មានអាចត្រូវបានពិពណ៌នាតាមវិធីពីរយ៉ាង៖
◊ សរសេរជាទម្រង់កថាខណ្ឌដើម្បីរៀបរាប់ (ដូចទិន្នន័យខាងលើ)
◊ រាយជាបញ្ជីដោយឡែកៗពីគ្នា។
តារាងរចនាសម្ព័ន្ធដែលមានជួរដេក និងជួរឈរបង្ហាញព័ត៌មានធ្វើឱ្យអ្នកអានងាយយល់
នៅក្នុងកម្មវិធីសរសេរអត្ថបទ យើងអាចប្រើការធ្វើទ្រង់ទ្រាយកថាខណ្ឌសម្រាប់កិច្ចការជាច្រើន។ ការតម្រឹមកថាខណ្ឌចែកចេញជា ៤ ប្រភេទគឺ តម្រឹមឆ្វេង ស្ដាំ កណ្ដាល សងខាង។
គម្លាតរវាងកថាខណ្ឌ គឺមានសារសំខាន់ណាស់សម្រាប់ឱ្យឯកសារមើលទៅមានរបៀប។ បើសិនជាកថាខណ្ឌនៅជាប់គ្នាពេក វាពិបាកមើលថា តើកន្លែងណាដែលកថាខណ្ឌចាប់ផ្ដើម និងបញ្ចប់។ បើសិនជាកថាខណ្ឌនៅឆ្ងាយពីគ្នាពេក នោះអត្ថបទហាក់ដូចជាដាច់ទំនាក់ទំនងគ្នា និងក៏ពិបាកក្នុងការអានដែរ។ យើងអាចលៃតម្រូវចន្លោះនៅបន្ទាប់ឬមុនកថាខណ្ឌ។
ជក់ធ្វើទ្រង់ទ្រាយគឺជាឧបករណ៍ដែលប្រើសម្រាប់ចម្លងទ្រង់ទ្រាយទាំងអស់ពីអត្ថបទឬកថាខណ្ឌមួយដែលមានទ្រង់ទ្រាយទៅកាន់អត្ថបទផ្សេងទៀតដោយចម្លងនូវទិន្នន័យទ្រង់ទ្រាយដូចគ្នានឹងទ្រង់ទ្រាយដែលយើងបានចម្លង។
រូបភាពខាងក្រោមនេះជាការកំណត់បង្ហាញ៖
នៅពេលដែលអត្ថបទមួយចំនួនត្រូវបានវាយរួចហើយក្នុងឯកសារកម្មវិធីវាយអត្ថបទ នោះយើងអាចចម្លង ឬផ្លាស់ទីវាទៅទីតាំងផ្សេងទៀតនៅក្នុងឯកសារ ឬទៅកាន់ឯកសារផ្សេងទៀតបានផងដែរ។
ជាដំបូងអត្ថបទដែលត្រូវចម្លង ឬផ្លាស់ទីត្រូវតែជ្រើសរើស (select) ជាមុនសិន។ បន្ទាប់មកមុខងារដូចគ្នាដែលត្រូវបានប្រើដើម្បីចម្លង ឬផ្លាស់ទីឯកសារ (cut copy past) អាចត្រូវបានប្រើ ឬអត្ថបទអាចត្រូវបានអូសទៅកាន់ទីតាំងថ្មី។
ការកែកំហុសមាន២បែបគឺ ធ្វើឡើងវិញ (redo) ដែលប្រើសម្រាប់ត្រឡប់ថយក្រោយពីបញ្ជារបស់ (មិនធ្វើវិញ) ដោយចុចប៊ូតុង Ctrl + Y និងការមិនធ្វើឡើងវិញ (undo) ដោយចុចប៊ូតុង Ctrl + Z។
ការប្រើមុខងារ (មិនធ្វើវិញ) និង (ធ្វើវិញ) ទាំងពីរ អ្នកអាចត្រឡប់ទៅស្ថានភាពមុននៃអត្ថបទរបស់ពួកគេ។
កម្មវិធីមុខងារអត្ថបទមានមុខងារមួយឈ្មោះថា (ស្វែងរក) ដែលអាចជួយអ្នកប្រើក្នុងការស្វែងរកពាក្យ ឬ បន្សំនៃតួអក្សរ (ផ្នែកនៃពាក្យ ឬក្រុមនៃពាក្យច្រើន) នៅក្នុងឯកសារ។ យើងក៏អាចស្វែងរកពាក្យដែលវាជួបប្រទះដំបូង ឬរកពាក្យទាំងអស់ម្ដងមួយ។
លក្ខណៈស្រដៀងមួយទៀតត្រូវបានគេប្រើដើម្បីជំនួសអត្ថបទ។ វាមិនត្រឹមតែអាចស្វែងរកបន្សំនៃតួអក្សរដែលយើងកំពុងតែស្វែងរក ប៉ុន្តែក៏អាចជំនួសវាដោយពាក្យផ្សេងដែលចង់ប្រើជំនួសពាក្យដែលរកឃើញនោះ។