រូបភាពទី1៖ តំបន់ជំនួបចន្លោះត្រូពិច ITCZ
ប្រព័ន្ធសម្ពាធ គឺជាតំបន់បរិយាកាសផែនដីជាកន្លែងដែលមានសម្ពាធខ្យល់ទាប ឬខ្ពស់។ តំបន់សម្ពាធខ្ពស់ ជាតំបន់ដែលសម្ពាធបរិយាកាសលើផ្ទៃភពខ្លាំងជាងមជ្ឈដ្ឋានជុំវិញ។ តំបន់សម្ពាធទាប ជាតំបន់ដែលសម្ពាធបរិយាកាសលើផ្ទៃភពទាបជាងមជ្ឈដ្ឋានជុំវិញ។ តំបន់ជំនួបចន្លោះត្រូពិច ITCZ (Inter-Tropical Convergence Zone) គឺជាខ្សែក្រវាត់សម្ពាធខ្សោយមួយដែលព័ទ្ធជុំវិញផែនដីនៅជិតអេក្វាទ័រ។
រូបភាពទី2៖ ការប្រែប្រួលទីតាំងរបស់ ITCZតាមរដូវ
ប្រព័ន្ធសម្ពាធទាបមូសុង ជាប្រព័ន្ធសម្ពាធក្តៅកើតលើប្រទេសឥណ្ឌា។ បានជាមានសម្ពាធខ្ពស់ក្បែរត្រូពិច ពីព្រោះប្រព័ន្ធក្តៅខ្យល់ធ្លាក់ចុះ ហើយឡើងកម្តៅបង្កើតមេឃស្រលះ (ដែលធ្វើឲ្យខ្យល់ណែននៅលើផ្ទៃដីដែលដុតកម្តៅដោយព្រះអាទិត្យ)។ ខ្យល់ជិតផ្ទៃដីកើនកម្តៅលឿន និងស្ទុះឡើងយឺតៗបក់តាមទិសដេករាប់រយគីឡូម៉ែត្រ។
តំបន់សម្ពាធខ្ពស់ក្បែរត្រូពិចស្ថិតនៅទាំងពីរដូវ។ ដោយសារតែព្រះអាទិត្យស្ថិតនៅចំពីលើក្បាលនៅអឌ្ឍគោលខាងជើងក្នុងខែកក្កដា ហើយនៅអឌ្ឍគោលខាងត្បូងខែមករា នាំឱ្យតំបន់ដែលទទួលបានកម្តៅអតិបរិមាផ្លាស់ប្តូរតាមរដូវ។ ជាលទ្ធផលប្រព័ន្ធសម្ពាធធំៗ ក្រវាត់ខ្យល់ និង ITCZ ប្តូរទៅទិសខាងជើងនៅខែកក្កដា ហើយឆ្ពោះមកទិសខាងត្បូងនៅខែមករា។
ICTZ ជះឥទ្ធិពលទៅលើបណ្តាប្រទេសអេក្វាទ័រដូចជា មានភ្លៀងធ្លាក់ច្រើនដែលធ្វើឲ្យរដូវវស្សា និងរដូវប្រាំង។ នៅតំបន់ត្រូពិចត្រជាក់ជាងរដូវវស្សា និងរដូវប្រាំងនៅបណ្តាប្រទេសដែលមានរយៈទទឹងខ្ពស់។ ប្រព័ន្ធសម្ពាធពាក់កណ្តាលអចិន្រ្តៃយ៍នៅអឌ្ឍគោលខាងជើងមានបួនគឺ ប្រព័ន្ធសម្ពាធទាបពាក់កណ្តាលអចិន្រ្តៃយ៍ប៊ែរមុយដា និងប៉ាស៊ីភិច។ ប្រព័ន្ធសម្ពាធខ្ពស់ពាក់កណ្តាលអចិន្រ្តៃយ៍គ្រីនលែន និងអាលូស៊ាន។
ភ្លៀងធ្លាក់ច្រើននៅតំបន់ត្រូពិច ព្រោះជាកន្លែងខ្យល់ផ្ទុកសំណើមស្ទុះឡើងជួបជាមួយតំបន់ជំនួបចន្លោះត្រូពិចនៅរយៈទទឹងទី 40 និង 55 ដឺក្រេ ជាកន្លែងដែលខ្យល់ព្យុះនៅរយៈទទឹងកណ្តាល និងព្រំខ្យល់ប៉ូលរុញខ្យល់ឡើងលើ។ នៅរដូវក្តៅ (រយៈពេលទទួលពន្លឺព្រះអាទិត្យវែង) ប្រព័ន្ធសម្ពាធខ្ពស់ក្បែរត្រូពិចផ្លាស់ទីឆ្ពោះទៅប៉ូល ហើយតំបន់ជំនួបចន្លោះត្រូពិចនាំយកមកជាមួយភ្លៀងធ្លាក់យ៉ាងច្រើន។ នៅរដូវត្រជាក់ (រយៈពេលទទួលពន្លឺព្រះអាទិត្យខ្លី) ប្រព័ន្ធសម្ពាធខ្ពស់ក្បែរអេក្វាទ័រនាំយកមកនូវធាតុអាកាសស្ងួតមេឃស្រលះ។ ប្រព័ន្ធសម្ពាធធំៗ និងគំរូកំណកអាកាសនៃចរន្តខ្យល់បក់ទូទៅចែកចេញជាបួន គឺប្រព័ន្ធសម្ពាធទាបនៃតំបន់ជំនួបត្រូពិច អេក្វាទ័រ ប្រព័ន្ធសម្ពាធខ្ពស់ក្បែរត្រូពិច ប្រព័ន្ធសម្ពាធទាបក្បែរប៉ូល ប្រព័ន្ធសម្ពាធខ្ពស់ក្បែប៉ូល។